"Vest Xem" hujumchisi Janluka Skamakka "Atalanta"dan foydali taklif oldi.
"Inter" ham 24 yoshli futbolchiga da’vogarlik qildi, ammo u bergamoliklarga o‘tish variantini afzal ko‘rdi. Insayder Nikolo Skira "Atalanta" Skamakkaga taklif qilgan shartlar haqida gapirdi: hujumchi 2028 yilgacha mo‘ljallangan shartnoma bo‘yicha bonuslarni hisobga olmaganda yiliga taxminan 3 million yevro ishlab oladi, bu esa uni klub tarixidagi eng ko‘p maosh oluvchi futbolchiga aylantiradi.
"Vest Xem" Janluka Skamakkaning sotuvidan taxminan 30 million yevro oladi. Shuningdek, londonliklar italiyalikning kelajakda qayta sotilishi olib keladigan foydaning 10 foizini ham qo‘lga kiritishlari mumkin.
