"Вест Хэм" ҳужумчиси Жанлука Скамакка "Аталанта"дан фойдали таклиф олди.

"Интер" ҳам 24 ёшли футболчига даъвогарлик қилди, аммо у бергамоликларга ўтиш вариантини афзал кўрди. Инсайдер Николо Скира "Аталанта" Скамаккага таклиф қилган шартлар ҳақида гапирди: ҳужумчи 2028 йилгача мўлжалланган шартнома бўйича бонусларни ҳисобга олмаганда йилига тахминан 3 миллион евро ишлаб олади, бу эса уни клуб тарихидаги энг кўп маош олувчи футболчига айлантиради.

"Вест Хэм" Жанлука Скамакканинг сотувидан тахминан 30 миллион евро олади. Шунингдек, лондонликлар италияликнинг келажакда қайта сотилиши олиб келадиган фойданинг 10 фоизини ҳам қўлга киритишлари мумкин.