Amerika Qo‘shma Shtatlarida «Messi-maniya» kasalligi paydo bo‘ldi desak, yangilishmaymiz. Ish paytida argentinalik futbolchidan dastxat so‘ragach bir farrosh o‘z ishini yo‘qotdi.

Payshanba kuni «Mayami» «Orlando Siti» ustidan g‘alaba qozonganida Messi ikkita gol urdi. Ammo o‘yindan oldin tozalash kompaniyasi a’zosi Kristian Salamanka ismli kolumbiyalik yigit  uning yo‘lini to‘sib oldi.

Fursatdan foydalanib, u Messiga yaqinlashdi va formasini ko‘tarib, Argentina futbolkasini ko‘rsatdi va imzo so‘radi.

Ammo super-muxlisning xursandchilik lahzasi uning ishdan bo‘shatilishiga olib keldi.