Америка Қўшма Штатларида «Месси-мания» касаллиги пайдо бўлди десак, янгилишмаймиз. Иш пайтида аргентиналик футболчидан дастхат сўрагач бир фаррош ўз ишини йўқотди.
Пайшанба куни «Майами» «Орландо Сити» устидан ғалаба қозонганида Месси иккита гол урди. Аммо ўйиндан олдин тозалаш компанияси аъзоси Кристиан Саламанка исмли колумбиялик йигит унинг йўлини тўсиб олди.
Фурсатдан фойдаланиб, у Мессига яқинлашди ва формасини кўтариб, Аргентина футболкасини кўрсатди ва имзо сўради.
Аммо супер-мухлиснинг хурсандчилик лаҳзаси унинг ишдан бўшатилишига олиб келди.
