"Bavariya" maslahatchisi Sadio Manening klubning futbolchiga munosabati haqidagi so‘zlarini rad etdi.
Eslatib o‘tamiz, Bakari Sisse Leroy Sane Maneni irqchilik asosida haqorat qilgani, bu esa futbolchilar o‘rtasida mojaroga sabab bo‘lganini aytgandi.
"Biz Sadio Mane bilan shartnomamizni o‘zaro kelishuv asosida bekor qildik. Yana Sadio atrofidagilar tomonidan aytilayotgan irqchilik ayblovlari boshidanoq asossiz edi. Murabbiyimiz Tomas Tuxel ham Sadioga endi undan foydalana olmasligini aytmagan.
"Bavariya" Sadio Maneni shaxs va futbolchi sifatida qadrladi. Afsuski, o‘z oldimizga qo‘ygan umumiy maqsadlarimiz amalga oshmadi. Futbolda shunday bo‘ladi. Sadioga yangi klubida omad va muvaffaqiyatlar tilaymiz!" - deyiladi Myunxen klubi rasmiy bayonotida.
