«Arsenal» bosh murabbiyi Mikel Arteta Angliya Superkubogi doirasida «Manchester Siti»ga qarshi o‘yindagi penaltilar seriyasi haqida gapirdi.
O‘yinning asosiy vaqti 1:1 hisobidagi durang bilan yakunlandi va penaltilar seriyasida «kanonirlar» 4:1 hisobida g‘alaba qozondi.
«Darvozabonimiz penaltilarda ajoyib o‘ynadi. Mavsum oldidan ushbu komponent ustida alohida ishladik.
Shuning uchun biz voqealarning bunday rivojlanishiga to‘liq tayyor edik. Jamoa ajoyib natijaga erishdi», - deya ispaniyalik mutaxassisning so‘zlarini keltiradi londonliklar matbuot xizmati.
Eslatib o‘tamiz, «Arsenal» o‘z tarixida 17 marta mamlakat Superkubogini qo‘lga kiritdi.
