Kataloniyaning "Barselona" klubi tez orada Madridning "Atletiko" klubiga hujumchi Joau Feliksning transferi bo‘yicha taklif bilan murojaat qiladi.

Sport nashrining xabariga ko‘ra, "ko‘k-anorranglilar" portugaliyalik futbolchini yiliga 8 million yevrolik maoshini to‘liq qoplagan holda ijaraga olmoqchi.

Feliks hozircha faqat "Barselona"ga o‘tmoqchi va faoliyatini davom ettirish uchun boshqa variantlarni ko‘rib chiqmoqchi emas. Qizig‘i shundaki, yanvar oyida "Atletiko" Joauni olti oyga ijaraga berdi, ammo bunday kelishuv Londonning "Chelsi" klubiga 11 million yevroga tushdi. "Matraschilar"ning "Barselona"dan bir yillik ijarasi uchun qancha pul talab etishi hozircha ma’lum emas.

Joauning "Atletiko" bilan shartnomasi 2027 yilning yoziga qadar mo‘ljallangan.