Braziliyalik yarim himoyachi Fred Santos yozgi transferlar oynasi yopilgunga qadar "Manchester Yunayted"ni tark etmoqchi. Bu haqda insayder Fabrisio Romano ijtimoiy tarmoqlar orqali ma’lum qildi.
Manbaga ma’lum bo‘lishicha, mankunianliklar kelasi haftada yarim himoyachini sotish bilan bog‘liq masala hal bo‘lishini kutmoqda. Futbolchiga da’vogarlar orasida Londonning “Fulxem” klubi ham bor.













