"Roma" yarim himoyachisi Nemanya Matich tez orada Fransiya 1-ligasida ishtirok etishi mumkin. Insayder Santi Una bergan ma’lumotlarga ko‘ra, serbiyalik futbolchi "Renn"dan taklif olgan.
Manbaning so‘zlariga ko‘ra, 35 yoshli Matich taklif qilingan loyihadan hayratda qolgan, ammo yarim himoyachi avvalo "Roma" bosh murabbiyi Joze Mourinyo bilan gaplashmoqchi.
"Renn" hali Matich transferi bo‘yicha rasmiy taklif bilan chiqqani yo‘q. "Chelsi" va "Manchester Yunayted"ning sobiq futbolchisi o‘tgan yozda "Roma"ga tekinga o‘tgan edi.













