"Manchester Yunayted"ning sobiq darvozaboni David de Xea kelajagi haqida hali bir qarorga kelmagan. Bu haqda Marca xabar bermoqda.
Manbaning yozishicha, de Xea qiziqarli taklif kutmoqda. Ispaniyalik darvozabonda faoliyatini Saudiya Arabistonida davom ettirish uchun foydali variantlar bor.
Avvalroq de Xeaga Myunxenning "Bavariya" va Fransiyaning "PSJ" klubidan qiziqish bo‘lgani haqidagi ma’lumotlar haqiqatga to‘g‘ri kelmaydi.
32 yoshli De Xea klubdagi 12 yillik shartnomasidan so‘ng shu yozda "Manchester Yunayted"ni tekinga tark etdi.
O‘tgan mavsumda 58 ta o‘yinda De Xea 61 ta gol o‘tkazib yubordi. Faoliyati davomida darvozabon 13 ta turli sovrinlarni qo‘lga kiritgan.
