"Манчестер Юнайтед"нинг собиқ дарвозабони Давид де Хеа келажаги ҳақида ҳали бир қарорга келмаган. Бу ҳақда Marca хабар бермоқда.

Манбанинг ёзишича, де Хеа қизиқарли таклиф кутмоқда. Испаниялик дарвозабонда фаолиятини Саудия Арабистонида давом эттириш учун фойдали вариантлар бор.

Аввалроқ де Хеага Мюнхеннинг "Бавария" ва Франциянинг "ПСЖ" клубидан қизиқиш бўлгани ҳақидаги маълумотлар ҳақиқатга тўғри келмайди.

32 ёшли Де Хеа клубдаги 12 йиллик шартномасидан сўнг шу ёзда "Манчестер Юнайтед"ни текинга тарк этди.

Ўтган мавсумда 58 та ўйинда Де Хеа 61 та гол ўтказиб юборди. Фаолияти давомида дарвозабон 13 та турли совринларни қўлга киритган.