“Barselona”ning sobiq yarim himoyachisi Andres Inyesta Birlashgan Arab Amirliklarining “Emireyts” klubiga o‘tdi. Bu haqda klub o‘zining rasmiy sayti orqali xabar bermoqda.
Klub futbolchining bugun, 9 avgust kuni bo‘lib o‘tishi rejalashtirilgan matbuot anjumanini ham e’lon qildi.
39 yoshli Inyestaning avvalgi klubi Yaponiyaning “Vissel Kobe” klubi bo‘lib, u 2018 yildan 2023 yilgacha ushbu klubda o‘ynagan.
Bu yozda Andres "Inter Mayami"ga o‘tishga yaqin edi, biroq transferga MLSning ish haqi qoidalari to‘sqinlik qildi.
Futbolchi “Vissel Kobe” safida 134 ta o‘yin o‘tkazib, 26 ta gol va 25 ta golli uzatmaga mualliflik qilgan.
