“Барселона”нинг собиқ ярим ҳимоячиси Андрес Иньеста Бирлашган Араб Амирликларининг “Эмирейтс” клубига ўтди. Бу ҳақда клуб ўзининг расмий сайти орқали хабар бермоқда.
Клуб футболчининг бугун, 9 август куни бўлиб ўтиши режалаштирилган матбуот анжуманини ҳам эълон қилди.
39 ёшли Иньестанинг аввалги клуби Япониянинг “Виссел Кобе” клуби бўлиб, у 2018 йилдан 2023 йилгача ушбу клубда ўйнаган.
Бу ёзда Андрес "Интер Майами"га ўтишга яқин эди, бироқ трансферга МЛСнинг иш ҳақи қоидалари тўсқинлик қилди.
Футболчи “Виссел Кобе” сафида 134 та ўйин ўтказиб, 26 та гол ва 25 та голли узатмага муаллифлик қилган.
