30 yoshli ukrainalik yarim himoyachi Ruslan Malinovskiy joriy transfer oynasida "Marsel"ni tark etishi mumkin, bu haqda insayder Fabrisio Romano ijtimoiy tarmoqlar orqali ma’lum qildi.
Jurnalistning yozishicha, yarim himoyachi bilan Istanbulning “Beshiktosh” klubi qiziqish bildirmoqda. Turkiya klubi rahbariyati futbolchiga taklif bilan chiqqan, biroq futbolchi hali yakuniy javob bergani yo‘q.
Malinovskiy A Seriyaga qaytishga ko‘proq moyil bo‘lib, uning xizmatlariga "Torino" qiziqmoqda. Avvalroq Ruslan Italiyada “Atalanta” safida o‘ynagan.
2022/2023 yilgi mavsumda Ruslan Fransiya chempionatida 20 ta o‘yin o‘tkazdi. Yarim himoyachi bitta gol urdi va bitta golli uzatmani amalga oshirdi.
