30 ёшли украиналик ярим ҳимоячи Руслан Малиновский жорий трансфер ойнасида "Марсел"ни тарк этиши мумкин, бу ҳақда инсайдер Фабрицио Романо ижтимоий тармоқлар орқали маълум қилди.
Журналистнинг ёзишича, ярим ҳимоячи билан Истанбулнинг “Бешиктош” клуби қизиқиш билдирмоқда. Туркия клуби раҳбарияти футболчига таклиф билан чиққан, бироқ футболчи ҳали якуний жавоб бергани йўқ.
Малиновский А Серияга қайтишга кўпроқ мойил бўлиб, унинг хизматларига "Торино" қизиқмоқда. Аввалроқ Руслан Италияда “Аталанта” сафида ўйнаган.
2022/2023 йилги мавсумда Руслан Франция чемпионатида 20 та ўйин ўтказди. Ярим ҳимоячи битта гол урди ва битта голли узатмани амалга оширди.
