"Real" darvozaboni Tibo Kurtua jarohati haqida fikr bildirdi.
Eslatib o‘tamiz, avvalroq belgiyalik posbonning xochsimon bog‘lami yirtilgani ma’lum bo‘lgandi. Darvozabon kelasi yilning aprel oyida maydonga qaytishi xabar qilingandi.
"Siz hech qachon bunday narsani kutmaysiz, ammo endi buni qabul qilish va buni yengib, yanada kuchliroq qaytish uchun hamma narsani qilish vaqti keldi" - deb post qoldirdi Kurtua ijtimoiy tarmoqdagi sahifasida.
Futbolchining qo‘shimcha qilishicha, muxlislarning mehr va qo‘llab-quvvatlashi uni tezroq maydonga qaytishga undaydi.
Oldinroq Madridning “Real” klubi yangi darvozabon izlashni boshlagani haqida xabar berilgandi. OAV xabarlariga ko‘ra, "qaymoqranglilar" "Chelsi" darvozaboni Kepa Arrisabalaga, "Valensiya" darvozaboni Giorgi Mamardashvili va "Manchester Yunayted"ning sobiq futbolchisi David de Xeaga e’tibor qaratmoqda.
