"Реал" дарвозабони Тибо Куртуа жароҳати ҳақида фикр билдирди.

Эслатиб ўтамиз, аввалроқ бельгиялик посбоннинг хочсимон боғлами йиртилгани маълум бўлганди. Дарвозабон келаси йилнинг апрель ойида майдонга қайтиши хабар қилинганди.

"Сиз ҳеч қачон бундай нарсани кутмайсиз, аммо энди буни қабул қилиш ва буни енгиб, янада кучлироқ қайтиш учун ҳамма нарсани қилиш вақти келди" - деб пост қолдирди Куртуа ижтимоий тармоқдаги саҳифасида.

Футболчининг қўшимча қилишича, мухлисларнинг меҳр ва қўллаб-қувватлаши уни тезроқ майдонга қайтишга ундайди.

Олдинроқ Мадриднинг “Реал” клуби янги дарвозабон излашни бошлагани ҳақида хабар берилганди. ОАВ хабарларига кўра, "қаймоқранглилар" "Челси" дарвозабони Кепа Аррисабалага, "Валенсия" дарвозабони Гиорги Мамардашвили ва "Манчестер Юнайтед"нинг собиқ футболчиси Давид де Хеага эътибор қаратмоқда.