Londonning "Arsenal" klubiga tegishli bo‘lgan 22 yoshli hujumchi Folarin Balogun "Inter"ga o‘tmaydi. Bu haqda Calciomercato nashri xabar bermoqda.

Manbaning xabariga ko‘ra, "neradzurrilar" rahbariyati "kanonirlar"ning yuqori talablari tufayli muzokara o‘tkazishdan bosh tortgan. Londonliklar Balogunning sotuvidan kamida 50 million yevro olmoqchi, italiyaliklar esa 35 million to‘lashga tayyor.

O‘tgan mavsumda hujumchi Fransiyaning “Reyms” jamoasida ijara asosida o‘ynagandi. Balogun Liga 1da 37 ta o‘yinda qatnashib, 21 ta gol (6 ta penaltidan) va 2 ta golli uzatmaga mualliflik qilgan.