Лондоннинг "Арсенал" клубига тегишли бўлган 22 ёшли ҳужумчи Фоларин Балогун "Интер"га ўтмайди. Бу ҳақда Calciomercato нашри хабар бермоқда.
Манбанинг хабарига кўра, "нерадзуррилар" раҳбарияти "канонирлар"нинг юқори талаблари туфайли музокара ўтказишдан бош тортган. Лондонликлар Балогуннинг сотувидан камида 50 миллион евро олмоқчи, италияликлар эса 35 миллион тўлашга тайёр.
Ўтган мавсумда ҳужумчи Франциянинг “Реймс” жамоасида ижара асосида ўйнаганди. Балогун Лига 1да 37 та ўйинда қатнашиб, 21 та гол (6 та пенальтидан) ва 2 та голли узатмага муаллифлик қилган.
