Xabar berib o‘tganimizdek, 19-27 avgust kunlari Budapesht shahrida yengil atletika bo‘yicha navbatdagi jahon chempionati bo‘lib o‘tadi.

Unda ishtirok etadigan O‘zbekiston terma jamoasining a’zolari Sharifa Davronova, Yekaterina Voronina, Safina Sadullayeva hamda Anvar Anvarov bugun Vengriyaga yo‘l olishdi. Jamoamizning yana bir a’zosi Yekaterina Tunguskova esa 14 avgust kuni uchib ketadi.

Yurtdoshlarimizning musobaqadagi taqvimini yana bir bor eslatib o‘tamiz:

19 avgust: Yekaterina Voronina (ko‘p kurash — 100 metrga to‘siqlar osha yugurish, balandlikka sakrash, yadro uloqtirish va 200 metrga yugurish);

Sharifa Davronova (uch hatlab sakrash, saralash);

20 avgust: Yekaterina Voronina (ko‘p kurash — uzunlikka sakrash, nayza uloqtirish, 800 metrga yugurish);

21 avgust: Sharifa Davronova (uch hatlab sakrash, final);

23 avgust: Anvar Anvarov (uzunlikka sakrash, saralash);

24 avgust: Anvar Anvarov (uzunlikka sakrash, final);

25 avgust: Safina Sadullayeva (balandlikka sakrash, saralash);

26 avgust: Yekaterina Tunguskova (marafon, final);

27 avgust: Safina Sadullayeva (balandlikka sakrash, final).

O‘zbekiston Milliy Olimpiya qo‘mitasi bo‘lajak musobaqada qatnashadigan yurtdoshlarimizga omad tilaydi.