Madridning «Atletiko» klubi «PSJ» yarim himoyachisi Marko Verrattiga qiziqishda davom etmoqda.

Italiyalik futbolchining «matraschilar» lageriga o‘tishi mumkinligi haqida o‘tgan oy xabar berilgandi, ammo bu masala muzokaralargacha yetib bormadi.

El Pais xabariga ko‘ra, «Atletiko» Verrati Saudiyaning «Al-Hilol» klubiga o‘tmasa, uning nomzodiga qaytishga tayyor. «Tottenxem» vakili Pyer-Emil Xyoyberg Madrid jamoasining yana bir maqsadi bo‘lib qolmoqda.

Ba’zi ma’lumotlarga ko‘ra, «PSJ» Marko Verratti uchun «Al-Hilol»dan 80 million yevro so‘ramoqda.

30 yoshli futbolchining parijliklar bilan shartnomasi 2026 yilning o‘rtalariga qadar tuzilgan.