“Nyukasl” yarim himoyachisi Sandro Tonali Premyer-ligadagi debyut uchrashuvidan so‘ng o‘z taassurotlari bilan o‘rtoqlashdi.
23 yoshli futbolchi birinchi turda “Aston Villa”ga qarshi o‘yinning oltinchi daqiqasidayoq gol urdi. Uchrashuv 5:1 hisobida yakunlandi.
“Bu yerdagi birinchi rasmiy o‘yinim ajoyib o‘tdi. Bizda o‘zimizga ishonch bor edi, biz futboldan zavq oldik va hammasi biz kutgandek bo‘ldi. Men bunday debyutni faqat orzu qilardim, lekin hozir bu haqiqat. Keyingi o‘yinlar oldidan kuch to‘plashimiz uchun yaxshi dam olishimiz kerak", - dedi iyul oyi boshida "Milan"dan "qarg‘alar" safiga qo‘shilgan italiyalik futbolchi Sky nashriga bergan intervyusida.
