“Ньюкасл” ярим ҳимоячиси Сандро Тонали Премьер-лигадаги дебют учрашувидан сўнг ўз таассуротлари билан ўртоқлашди.
23 ёшли футболчи биринчи турда “Астон Вилла”га қарши ўйиннинг олтинчи дақиқасидаёқ гол урди. Учрашув 5:1 ҳисобида якунланди.
“Бу ердаги биринчи расмий ўйиним ажойиб ўтди. Бизда ўзимизга ишонч бор эди, биз футболдан завқ олдик ва ҳаммаси биз кутгандек бўлди. Мен бундай дебютни фақат орзу қилардим, лекин ҳозир бу ҳақиқат. Кейинги ўйинлар олдидан куч тўплашимиз учун яхши дам олишимиз керак", - деди июль ойи бошида "Милан"дан "қарғалар" сафига қўшилган италиялик футболчи Sky нашрига берган интервьюсида.