«Selta» yarim himoyachisi Gabri Veyga «Napoli»ga o‘tishga yaqin turibdi. Bu haqda La Gazzetta dello Sport xabar bermoqda.
Manbaga ko‘ra, ispaniyalik futbolchining transfer summasi 35 million yevroni tashkil qiladi.
21 yoshli Veyga o‘tgan mavsumda «Selta» safida 39 ta o‘yinda maydonga tushib, 11 ta gol urdi va 4 ta golga assistentlik qildi.
Ispaniya yoshlar terma jamoasi futbolchisi 30 million yevroga baholanmoqda.
A Seriya g‘olibi hisoblangan «Napoli» Italiya chempionatining yangi mavsumidagi ilk o‘yinini 19 avgust kuni «Frozinone»ga qarshi o‘tkazadi.
