«Сельта» ярим ҳимоячиси Габри Вейга «Наполи»га ўтишга яқин турибди. Бу ҳақда La Gazzetta dello Sport хабар бермоқда.
Манбага кўра, испаниялик футболчининг трансфер суммаси 35 миллион еврони ташкил қилади.
21 ёшли Вейга ўтган мавсумда «Сельта» сафида 39 та ўйинда майдонга тушиб, 11 та гол урди ва 4 та голга ассистентлик қилди.
Испания ёшлар терма жамоаси футболчиси 30 миллион еврога баҳоланмоқда.
А Серия ғолиби ҳисобланган «Наполи» Италия чемпионатининг янги мавсумидаги илк ўйинини 19 август куни «Фрозиноне»га қарши ўтказади.
