Xarri Keyn ketganidan so‘ng, «Tottenxem»ga yangi sardor kerak edi, aynan koreyalik hujumchi Son Xyon Minga bunday mas’uliyat ishonib topshirildi, u uzoq vaqtdan beri «shporlar»ning muhim o‘yinchilaridan biri bo‘lib kelgan.

Sonning ta’kidlashicha, u bu tanlovdan hayratda qolgan, lekin, albatta, bunday sharafdan mamnun bo‘lgan.

«Bunday klub sardori bo‘lish - katta sharaf. Men uchun katta syurpriz. Men sheriklarimga sardorlarni maydonda ham, undan tashqarida ham tinglash kerakligini aytgandim.

Bizda yangi mavsum, yangi start bor va men «Tottenxem» libosida bu bog‘ich bilan muvaffaqiyat qozonish uchun qo‘limdan kelganini qilaman», — deya Sonning so‘zlaridan iqtibos keltiradi Italiyaning ITASportPress axborot agentligi.