Харри Кейн кетганидан сўнг, «Тоттенхэм»га янги сардор керак эди, айнан кореялик ҳужумчи Сон Хён Минга бундай масъулият ишониб топширилди, у узоқ вақтдан бери «шпорлар»нинг муҳим ўйинчиларидан бири бўлиб келган.
Соннинг таъкидлашича, у бу танловдан ҳайратда қолган, лекин, албатта, бундай шарафдан мамнун бўлган.
«Бундай клуб сардори бўлиш - катта шараф. Мен учун катта сюрприз. Мен шерикларимга сардорларни майдонда ҳам, ундан ташқарида ҳам тинглаш кераклигини айтгандим.
Бизда янги мавсум, янги старт бор ва мен «Тоттенхэм» либосида бу боғич билан муваффақият қозониш учун қўлимдан келганини қиламан», — дея Соннинг сўзларидан иқтибос келтиради Италиянинг ITASportPress ахборот агентлиги.