«Manchester Siti» himoyachisi Joau Kanselu faoliyatini «Barselona»da davom ettirishi mumkin, deya xabar beradi jurnalist Nikolo Skira.
Manbaga ko‘ra, kataloniyaliklar 29 yoshli portugaliyalikni sotib olish huquqi bilan ijaraga olmoqchi.
Kanselu 2022/23 yilgi mavsumning ikkinchi yarmini ijara asosida «Bavariya»da o‘tkazdi. Himoyachi myunxenliklar safida 21 ta o‘yin o‘tkazib, 1 ta gol urdi va 6 ta golli uzatmani amalga oshirdi.
Shartnoma yakunida «Bavariya» sotib olish opsiyasini faollashtirmaslikka qaror qildi. Transfermarkt portaliga ko‘ra futbolchining narxi 50 million yevroga baholanmoqda. Kanseluning «Man Siti» bilan shartnomasi 2027 yilning yozida yakuniga yetadi.