"Galatasaroy" yarim himoyachisi Nikolo Dzanyolo "Aston Villa"ga o‘tishga yaqin turibdi, deya xabar beradi jurnalist Fabrisio Romano.
Manbaga ko‘ra, birmingemliklar 24 yoshli italiyalik bilan shaxsiy shartnoma borasida kelishib olgan, chorshanba kuni futbolchi tibbiy ko‘rikdan o‘tadi. "Aston Villa" yarim himoyachini 27 million yevroga sotib olish imkoniyati bilan ijaraga olishi kutilmoqda.
Oldinroq "Zenit" Dzanyolo borasida muzokaralar olib borayotgani haqida xabar berilgandi, biroq futbolchining agenti bu ma’lumotni rad etgandi.
Dzanyolo 2023 yilning fevralida "Roma"dan "Galatasaroy"ga o‘tgan edi. O‘tgan mavsumda u jami 28 ta o‘yinda maydonga tushib, 7 ta gol urdi va 4 ta golli uzatmani amalga oshirdi.