"Галатасарой" ярим ҳимоячиси Николо Дзаньоло "Астон Вилла"га ўтишга яқин турибди, дея хабар беради журналист Фабрицио Романо.
Манбага кўра, бирмингемликлар 24 ёшли италиялик билан шахсий шартнома борасида келишиб олган, чоршанба куни футболчи тиббий кўрикдан ўтади. "Астон Вилла" ярим ҳимоячини 27 миллион еврога сотиб олиш имконияти билан ижарага олиши кутилмоқда.
Олдинроқ "Зенит" Дзаньоло борасида музокаралар олиб бораётгани ҳақида хабар берилганди, бироқ футболчининг агенти бу маълумотни рад этганди.
Дзаньоло 2023 йилнинг февралида "Рома"дан "Галатасарой"га ўтган эди. Ўтган мавсумда у жами 28 та ўйинда майдонга тушиб, 7 та гол урди ва 4 та голли узатмани амалга оширди.