"Opta" nashri tahlilchilari APL yangi mavsumida to‘purarlik poygasida kimlar ishtirok etishini tahmik qilishdi.
Erling Xoland ("Manchester Siti")
So‘zsiz, dastlabki da’vogar. Ayniqsa, Xarri Keyn "Bavariya" bilan shartnoma imzolagan paytda. Xoland o‘tgan mavsumda ko‘plab rekordlarni yangiladi, u Premyer ligada 36 ta, barcha musobaqalarda 52 ta gol urishga muvaffaq bo‘lgandi. Xoland yangi mavsum startidayoq "Byornli" darvozasiga 2 ta gol urishga ulgurdi. Shubhasiz, u to‘purarlik uchun asosiy da’vogar.
Muhammad Saloh ("Liverpul")
Ko‘pchilik, Salohni 5 yil avval "Liverpul"dagi ilk mavsumida 44 ta gol urganida bir yillik mo‘jiza deb hisoblagan. Ammo haligacha u yetarlicha yuqori baholanmagan. Lekin bu narsa misrlikning gol urishiga hech qanday to‘sqinlik qila olmadi. Saloh o‘tgan mavsumda 19 ta gol urib, Xoland va Keyndan so‘ng uchinchi o‘rinni qayd etdi. Qizig‘i shundaki, Saloh ancha kam gol urgan bo‘lsa-da, Keynga qaraganda yuqori xG'ga ega bo‘ldi. U o‘tgan mavsumda 12 ta golli uzatmani amalga oshirgan bo‘lsa, mavsumoldi o‘yinlarda 7 ta assist qayd etdi va 2 ta gol urdi. Shu tariqa, Saloh to‘purardan ko‘ra ko‘poq ijodkorga aylandi.
Kallum Uilson ("Nyukasl")
"Qarg‘alar"yangi bosqichga chiqdi va shu bilan birga o‘z o‘yinchilaridan ham ancha foyda ko‘rdi. "Bornmunt"ning sobiq forvardi o‘tgan mavsumda atigi 31 ta o‘yinda maydonga tushib, 18 ta gol urishga muvaffaq bo‘ldi. 31 ta o‘yinning 21 tasini asosiy tarkibda o‘tkazgan. Uilsonning 90 daqiqada urgan o‘rtacha gollari Xolanddan keyin ikkinchi (0.86) bo‘ldi. U o‘zining eng yaxshi sport formasida ko‘p gol urishga qodir. Masalan, aprel oyida u raqiblar darvozasini 8 marotaba ishg‘ol qildi va bu "Nyukasl" tarixida Premyer ligada bir oy ichida gol urish borasida rekorddir.
Uilsonning jamoadagi asosiy raqobatdoshi Aleksandr Isak. Isak ilk turdayoq "Aston Villaga" 2 ta gol urishga muvaffaq bo‘ldi.
Markus Reshford ("Manchester Yunayted")
O‘tgan mavsumda Reshford "Manchester Yunayted"ning eng yaxshi futbolchisi bo‘ldi. U Robin van Persidan keyin 2012/13 yilgi mavsumdan buyon barcha musobaqalarda 30 ta gol urgan birinchi futbolchiga aylandi. Uilson singari, Reshfordning ham xG korsatkichi 15.8 bo‘ldi.
Bu mavsumdan MYU Xoylunn bilan shartnoma imzoladi. Xoylunn va Reshford asosiy tarkib uchun raqobatga kirishadi.
Aleksandr Isak ("Nyukasl")
O‘tgan yozda "Real Sosyedad"dan "Nyukasl"ga ko‘chib o‘tganidan so‘ng, Isak yangi jamoasiga tez moslashib keta oldi va dastlabki 3 ta o‘yinda 2 ta gol urishga muvaffaq bo‘ldi. Ammo u sonidan jarohat oldi yanvar oyini o‘tkazib yuborishga majbur bo‘ldi. Mart oyida jarohatida forig‘ bo‘ldi va 7 ta o‘yinda 7 ta gol urdi.
Olli Uotkins ("Aston Villa")
O‘tgan mavsum Uotkins uchun ajoyib o‘tdi. U Stiven Jerrard qo‘l ostida "Aston Villa"dagi qiyinchiliklarga qaramay 15 ta gol urdi. Unai Emeri jamoani qabul qilib olganida Ollining o‘yini ancha ochildi. Uning xG'si 16.5 bo‘ldi. Shuning uchun u bundanda ko‘p gol urishi mumkin edi. Ehtimol, bu mavsumdan u yanada o‘zini ko‘rsata olar, chunki Tilemans va Diabi Olliga golli vaziyatlarni yaratib berishga qodir.
Darvin Nunyes ("Liverpul")
Ko‘pchilik o‘tgan yozda Nunyes Xolandning raqobatchisiga aylanadi deb o‘ylagandi, biroq bunday bo‘lmadi. Ammo Darvinda o‘zini ko‘rsatish uchun hali imkoniyat bor. Urugvaylik futbolchi o‘tgan mavsumda barcha musobaqalarda 15 ta, Premyer ligada 9 ta gol urgan. "Benfika" takribida Portugaliya chempionatida 1-mavsum 6 ta, 2-mavsum 26 ta gol urishga muvaffaq bo‘lgan. O‘tgan mavsum APLda raqiblar darvozasiga bir o‘yinda eng ko‘p 4 dan ortiq zarba bergan.
Rasmus Xoylunn ("Manchester Yunayted")
Daniyalik futbolchi uchun "Manchester Yunayted" "Atalanta"ga 72 million funt to‘lagan. MYU uzoq vaqtdan beri markaziy hujumchi qidirmoqda va Xoylunni transfer qildi. Endi hujumchi jamoaga tezroq moslashishi talab qilinadi. Rasmus o‘tgan mavsumda Italiya chempionatida 9 ta gol urgan.
Nikolas Jekson ("Chelsi")
Jeksonning "Chelsi"ga bo‘lgan transferini ko‘pchilik nazariga ham ilmadi, ammo futbolchi yangi mavsumda o‘zini ancha ko‘rsatishi mumkin. O‘tgan mavsumda "Vilyarreal" safida La Ligada so‘nggi 11 ta o‘yinda 10 ta gol urishga muvaffaq bo‘lgan. 1 apreldan beri top-5 ligalarda hech bir futbolchi penaltilarsiz undan ko‘p gol urgani yo‘q. Ushbu bosqichda Niklas zarbalarining 40 foizi golga aylandi, u har 80 daqiqada gol urdi. O‘tgan mavsumning shu vaqtida "Chelsi" umumiy 9 ta gol kiritgandi.
Son Xyon Min ("Tottenxem")
O‘tgan mavsum koreyalik uchun muvaffaqiyatli bo‘lmadi. U Premyer ligada 10 ta gol urdi. Garchi 2 mavsum oldin Saloh bilan 23 ta gol urib eng yaxshi to‘purar bo‘lgandi. Umuman olganda, Sonning o‘yin sifati yaxshi, ayniqsa, Keyn ketishi bilan "Tottenxem" uchun gol urish uning zimmasiga tushadi. Yangi mavsumda koreyalik o‘zining eng yaxshi o‘yinlarini o‘tkazishi kutilmoqda.
11 avgustdan APLning yangi mavsumiga start berildi. Yangi mavsumda Premyer ligada klublarning yuqori o‘rinlar uchun kurashishi kabi, hujumchilar o‘rtasida to‘purarlikka kurash ham avjida bo‘lishi taxmin qilinyapti. Buyog‘ini vaqt ko‘rsatadi. Ko‘ramiz, kuzatamiz...
