O‘zbekiston milliy terma jamoasi markaziy himoyachisi Husniddin Aliqulov "Chaykur Rizespor" jamoasi safida Turkiya Superligasining 1-turi doirasidagi "Adana Demirspor" klubiga qarshi uchrashuvning 66-daqiqasida jarohat sababli maydonni tark etganidan xabaringiz bor.

Futbolchimiz o‘yinning taxminan 56-daqiqalari o‘tib borayotgan bir paytda, tizzasining yuqori qismida og‘riq sezadi, lekin o‘yinni davom ettirishga qaror qiladi. Og‘riqqa qaramasdan, yana 10 daqiqa atrofida maydonda harakat qilgan futbolchimiz, baribir majburiy o‘zgarish so‘rashiga to‘g‘ri keladi.

Husniddinning jarohati jiddiy bo‘lmaganligi tufayli, futbolchimiz bugun mashg‘ulotlarga qaytib, jamoasidan alohida tarzda, jismoniy tayyorgarlik bo‘yicha murabbiy bilan shug‘ullandi.