Ўзбекистон миллий терма жамоаси марказий ҳимоячиси Ҳусниддин Алиқулов "Чайкур Ризеспор" жамоаси сафида Туркия Суперлигасининг 1-тури доирасидаги "Адана Демирспор" клубига қарши учрашувнинг 66-дақиқасида жароҳат сабабли майдонни тарк этганидан хабарингиз бор.

Футболчимиз ўйиннинг тахминан 56-дақиқалари ўтиб бораётган бир пайтда, тиззасининг юқори қисмида оғриқ сезади, лекин ўйинни давом эттиришга қарор қилади. Оғриққа қарамасдан, яна 10 дақиқа атрофида майдонда ҳаракат қилган футболчимиз, барибир мажбурий ўзгариш сўрашига тўғри келади.

Ҳусниддиннинг жароҳати жиддий бўлмаганлиги туфайли, футболчимиз бугун машғулотларга қайтиб, жамоасидан алоҳида тарзда, жисмоний тайёргарлик бўйича мураббий билан шуғулланди.