"Manchester Siti" yaqin 24-48 soat ichida "Vest Xem"ga yarim himoyachi Lukas Paketa uchun yangi taklif bilan chiqadi. Bu haqda italiyalik insayder Fabrisio Romano o‘zining ijtimoiy tarmoqlarida xabar bermoqda.
Kevin de Bryuynening jarohati og‘irligi haqidagi ma’lumotlar paydo bo‘lgach, "Manchester Siti"ning Paketga qiziqishi kuchaydi. Belgiyalik futbolchi ikki oyni lazaretda o‘tkazib yuboradi.
Eslatib o‘tamiz, avvalroq "Vest Xem" 80 million yevroga Paketani sotishdan bosh tortgan edi. Futbolchining o‘zi "Manchester Siti"ga borishni juda xohlaydi va rahbariyatdan uni tezroq Xosep Gvardiola jamoasiga qo‘yib yuborishni so‘ramoqda.