"PSJ" yozgi transfer oynasi yopilgunga qadar ikki forvard bilan shartnoma tuzmoqchi. Frankfurtning “Ayntraxt” klubidan Randal Kolo-Muani va “Lion”dan Bredli Barkola Liga 1 grand jamoasiga qo‘shilishi kerak.
Le'Parisien xabariga ko‘ra, "PSJ" allaqachon futbolchilar bilan shaxsiy shartnoma shartlarini kelishib olgan. Endi Fransiya chempioni “Ayntraxt” va “Lion” bilan kelishib olishi kerak. 24 yoshli Kolo-Muani 80 million yevro, 20 yoshli Barkola esa 20 million yevroga teng bo‘lishi mumkin. Shu tariqa parijliklar ikki hujumchi uchun 100 million sarflashlari kerak.