UYEFAning sobiq prezidenti Mishel Platini futbolchilarning Saudiya Arabistonini tez-tez tanlashidan hayron emas.

Bu mamlakatdan kelayotgan jozibali takliflar bilan bog‘liq. Platinining so‘zlariga ko‘ra, bir vaqtlar u ham xuddi shu sababga ko‘ra Italiya chempionatini tanlagan, chunki u yerda yaxshigina pul aylanardi:

«80 yillar boshida Italiyaga ko‘chib kelganimda, bu yerda menga eng ko‘p pul to‘lashdi. Bu yerda Ziko, Maradona, Falkao o‘ynadi, shuningdek, Mantovani, Berluskoni va boshqalar.

Italiya jahon chempionatida g‘olib chiqdi, tizim oyoqqa turdi, katta ishtiyoq sezildi», — deya Platinining so‘zlaridan iqtibos keltiradi Italiyaning ITASportPress axborot agentligi.