Fransiyaning «PSJ» klubi hujumchisi Bredli Barkola o‘z agentini o‘zgartirdi va faoliyatida yangi sahifa ochishga qaror qildi. Bu haqda SPORT nashri xabar bermoqda.

Ma’lumotlarga ko‘ra, yosh iqtidor sohibi taniqli agent Jorje Mendesh bilan hamkorlikni to‘xtatib, Usmon Dembelening manfaatlarini himoya qiluvchi Mussa Sissoko bilan shartnoma imzolagan. Yangi agent allaqachon o‘z mijozining xizmatlarini Kataloniyaning «Barselona» klubiga taklif etgan.

Qayd etilishicha, «Barselona» sport direktori Deku futbolchining o‘yin uslubini yuqori baholaydi. Biroq kataloniyaliklarning mavjud moliyaviy holati ushbu transferni amalga oshirish imkonini berishi hozircha noma’lum bo‘lib qolmoqda.

O‘z navbatida, «PSJ» rahbariyati Bredli Barkolyani qo‘yib yuborish bo‘yicha o‘z shartlarini qat’iy belgilab qo‘ygan. Parij klubi futbolchi uchun 80 million yevrodan kam bo‘lgan har qanday taklifni ko‘rib chiqishdan bosh tortmoqda.