Франциянинг «ПСЖ» клуби ҳужумчиси Брэдли Баркола ўз агентини ўзгартирди ва фаолиятида янги саҳифа очишга қарор қилди. Бу ҳақда SPORT нашри хабар бермоқда.
Маълумотларга кўра, ёш иқтидор соҳиби таниқли агент Жорже Мендеш билан ҳамкорликни тўхтатиб, Усмон Дембеленинг манфаатларини ҳимоя қилувчи Мусса Сиссоко билан шартнома имзолаган. Янги агент аллақачон ўз мижозининг хизматларини Каталониянинг «Барселона» клубига таклиф этган.
Қайд этилишича, «Барселона» спорт директори Деку футболчининг ўйин услубини юқори баҳолайди. Бироқ каталонияликларнинг мавжуд молиявий ҳолати ушбу трансферни амалга ошириш имконини бериши ҳозирча номаълум бўлиб қолмоқда.
Ўз навбатида, «ПСЖ» раҳбарияти Брэдли Барколяни қўйиб юбориш бўйича ўз шартларини қатъий белгилаб қўйган. Париж клуби футболчи учун 80 миллион евродан кам бўлган ҳар қандай таклифни кўриб чиқишдан бош тортмоқда.
