«Manchester Siti» bosh murabbiyi Xosep Gvardiola UYEFA Superkubogi uchun bahsda «Sevilya» ustidan qozonilgan g‘alaba haqida fikr bildirdi.
«Ehtimol, En-Nesirining yakunlovchi zarbasi mukammal bo‘lmagandir, ammo bundan ham yomonroq daqiqalar bo‘ldi. Okampos nishonga juda yaqin edi. Ammo Ederson bizni qutqarib qoldi.
Ikkinchi bo‘lim boshida biz pas berishda yaxshiroq o‘ynay boshladik, o‘yinni ko‘proq nazorat qildik. Oxir daqiqalarga yaqin gol urdik va buni oldindan his qilgandik.
«Sevilya» ikkinchi golni urdi, hammasi boshqacha yakunlanishi mumkin edi. «Sevilya»da ajoyib futbolchilar, ajoyib darvozabon, terma jamoalarda o‘ynaydigan himoyachilar bor. Oliver Torres hujumchilar bilan yaxshi munosabatda. Oldingi chiziqda «Sevilya» juda xavfli», - deya Gvardiolaning so‘zlarini keltiradi UYEFA matbuot xizmati.
