«Chelsi» o‘zining markaziy himoyachisi Trevo Chalobaga narx belgiladi.
La Gazzetta dello Sport xabariga ko‘ra, «ko‘klar» uni 35 million yevro evaziga qo‘yib yuborishga tayyor.
«Monako»dan Aksel Disasi sotib olinsa, Chalobaga «Chelsi»da joy qolmaydi. Futbolchi buni juda yaxshi tushunadi va transfer oynasi tugamasdan jamoani tark etmoqchi.
Milanning «Inter» klubi unga katta qiziqish bildirmoqda, ammo «neradzurrilar» faqat ijara variantini ma’qul ko‘radi.
«Chelsi» Chalobani sotishga qat’iy qaror qilgan va ijara variantlarini ko‘rib chiqmoqchi emas. «Inter» «ko‘klar» transfer oynasi oxiriga kelib o‘z pozisiyasini o‘zgartirishiga umid qilmoqda.
