«Челси» ўзининг марказий ҳимоячиси Трево Чалобага нарх белгилади.
La Gazzetta dello Sport хабарига кўра, «кўклар» уни 35 миллион евро эвазига қўйиб юборишга тайёр.
«Монако»дан Аксель Дисаси сотиб олинса, Чалобага «Челси»да жой қолмайди. Футболчи буни жуда яхши тушунади ва трансфер ойнаси тугамасдан жамоани тарк этмоқчи.
Миланнинг «Интер» клуби унга катта қизиқиш билдирмоқда, аммо «нерадзуррилар» фақат ижара вариантини маъқул кўради.
«Челси» Чалобани сотишга қатъий қарор қилган ва ижара вариантларини кўриб чиқмоқчи эмас. «Интер» «кўклар» трансфер ойнаси охирига келиб ўз позициясини ўзгартиришига умид қилмоқда.
