"Manchester Yunayted" ichida bu borada ikki xil qarash mavjud. Xabarlarga ko‘ra, klubdagilarning ko‘pchiligi Meyson Grinvudning qaytishini sharmandalik deb biladi.
Ammo boshqa tomondagi ishchilar yosh hujumchini yana jamoaga olib kirib, o‘stirishni istamoqda. Bunday niyatdagilarning asosiy qismi futbol bo‘limida ishlaydi.
Ya’ni ular transfer va futbolchi sog‘lig‘i bilan shug‘ullanadi. Eslatib o‘tamiz, Grinvud tajovuzda ayblanib, 2022 yilning yanvar oyida hibsga olingan edi. Shundan beri u birorta rasmiy va norasmiy o‘yinlarda qatnashmadi.
