Rossiyaning "Sport24" nashri xabariga ko‘ra, "Rubin" klubi bosh murabbiyi Rashid Rahimovning taqdiri bugungi "Krilya Sovetov" bilan bo‘lib o‘tadigan o‘yinga bog‘liq. Qozonliklar mag‘lubiyatga uchragan taqdirda katta ehtimol bilan murabbiy iste’foga chiqariladi.

Agar “Rubin” bugun ijobiy natijaga erishsa – g‘alaba yoki durang, hammasi “Dinamo” bilan bo‘ladigan o‘yinga bog‘liq bo‘lib qoladi.

Rahimov aprel oyida "Rubin"ni boshqarishni boshlagan va jamoani RPLga olib chiqishga yordam bergan. Joriy mavsum boshi "Rubin" uchun yomon keldi – klub birorta ham g‘alaba qozona olmadi, olti uchrashuvda to‘rtta mag‘lubiyat alamini totib ko‘rdi.

Eslatib o‘tamiz, "Rubin" tarkibida hamyurtlarimiz - Rustam Ashurmatov va Umarali Raxmonaliyev o‘ynaydi.