Россиянинг "Спорт24" нашри хабарига кўра, "Рубин" клуби бош мураббийи Рашид Раҳимовнинг тақдири бугунги "Крилья Советов" билан бўлиб ўтадиган ўйинга боғлиқ. Қозонликлар мағлубиятга учраган тақдирда катта эҳтимол билан мураббий истеъфога чиқарилади.
Агар “Рубин” бугун ижобий натижага эришса – ғалаба ёки дуранг, ҳаммаси “Динамо” билан бўладиган ўйинга боғлиқ бўлиб қолади.
Раҳимов апрель ойида "Рубин"ни бошқаришни бошлаган ва жамоани РПЛга олиб чиқишга ёрдам берган. Жорий мавсум боши "Рубин" учун ёмон келди – клуб бирорта ҳам ғалаба қозона олмади, олти учрашувда тўртта мағлубият аламини тотиб кўрди.
Эслатиб ўтамиз, "Рубин" таркибида ҳамюртларимиз - Рустам Ашурматов ва Умарали Рахмоналиев ўйнайди.
