Yozgi transfer oynasida himoyachi Xarri Maguayr «Vest Xem»ga o‘tishi mumkin edi, ammo kelishuv amalga oshmadi. Bu haqda «Manchester Yunayted» bosh murabbiyi Erik ten Xag fikr bildirdi.
«U qolganidan xursandman, bizga keng tarkib kerak. Bizda to‘rtta markaziy himoyachi bor, Lyuk Shou bilan esa besh nafar, biroq bularning hammasi kerak.
Biz 60 ta o‘yin o‘tkazamiz, ko‘plab o‘yinchilarimiz terma jamoalarda o‘ynashadi, shuning uchun bizda juda ko‘p yuk bo‘ladi», dedi Ten Xag juma kuni bo‘lib o‘tgan matbuot anjumanida jurnalistlarga.
19 avgust, shanba kuni «Manchester Yunayted» APL doirasida «Tottenxem»ga qarshi safarda o‘ynaydi.
