Ёзги трансфер ойнасида ҳимоячи Харри Магуайр «Вест Хэм»га ўтиши мумкин эди, аммо келишув амалга ошмади. Бу ҳақда «Манчестер Юнайтед» бош мураббийи Эрик тен Хаг фикр билдирди.
«У қолганидан хурсандман, бизга кенг таркиб керак. Бизда тўртта марказий ҳимоячи бор, Люк Шоу билан эса беш нафар, бироқ буларнинг ҳаммаси керак.
Биз 60 та ўйин ўтказамиз, кўплаб ўйинчиларимиз терма жамоаларда ўйнашади, шунинг учун бизда жуда кўп юк бўлади», деди Тен Хаг жума куни бўлиб ўтган матбуот анжуманида журналистларга.
19 август, шанба куни «Манчестер Юнайтед» АПЛ доирасида «Тоттенхэм»га қарши сафарда ўйнайди.
