"Chelsi" bosh murabbiyi Maurisio Pochettino yarim himoyachilar Moyses Kaysedo va Romeo Laviyaning transferlari haqida gapirdi.
“Menimcha, bu “Liverpul” bilan raqobat emas edi. Futbolchilar bizga o‘tishga qaror qilishdi, shuning uchun biz xursandmiz", - dedi Pochettino.
Bundan tashqari, argentinalik mutaxassis APL 2-turidan o‘rin olgan "Vest Xem"ga qarshi o‘yindayoq yangi futbolchilar maydonga tushishi mumkinligi haqida gapirdi.
“Menimcha, biz ularning tayyorgarligini baholashimiz kerak. Bu Moyses va Romeo uchun juda og‘ir hafta bo‘ldi. Ular yakshanba kuni ishtirok etishadi, deyish oson, lekin menimcha, eng muhimi xavf-xatarlardan qochish va shoshilmaslikdir”, - deya qo‘shimcha qildi Pochettino.
14 avgust kuni "Chelsi" "Brayton"dan Kaysedoni sotib olganini e’lon qildi. 133 million yevro evaziga amalga oshirilgan transfer APL tarixidagi eng qimmat transfer bo‘ldi.
