Turkiyaning “Galatasaroy” klubi Londonning “Chelsi” klubi yarim himoyachisi Hakim Ziyeshning transferini e’lon qilishga tayyorlanmoqda. Jurnalist Fabrisio Romano xabariga ko‘ra, bugun marokashlik bilan shartnoma imzolangani haqida rasman e’lon qilinishi kutilmoqda.
Oldinroq Ziyesh "Galatasaroy" lagerida tibbiy ko‘rikdan muvaffaqiyatli o‘tgani xabar qilingandi. Turkiya jamoasi "Chelsi" bilan shartnomaning barcha shartlarini kelishib bo‘ldi, shundan so‘ng Hakimga Istanbulga uchish uchun yashil chiroq yoqildi.