«Chelsi»ning sobiq futbolchisi Marsel Desayi Maurisio Pochettino jamoasi Premyer-ligani kuchli 4-o‘rinda yakunlaydi deb o‘ylamaydi.

«Men «Chelsi» kuchli to‘rtlikka kirishini istayman, chunki men muxlisman. Ammo raqiblarni hisobga olsak, bu sodir bo‘ladi deb o‘ylamayman», - deya Desayining so‘zlarini keltirmoqda Goal.

Desayining ta’kidlashicha, «Chelsi»ga Chempionlar ligasi zonasi uchun kurash olib borish uchun vaqt kerak.

Marsel Desayi 1998-2004 yillarda «Chelsi»da o‘ynagan. Fransuz futbolchilik faoliyatini 2005 yilda yakunlagan.