Himoyachi Jonni Evans «Manchester Yunayted» bosh murabbiyi Erik ten Xagni hayratda qoldirdi.
The Sun xabariga ko‘ra, 35 yoshli futbolchi yaqin orada «qizil iblislar» bilan bir yillik shartnoma imzolashi kerak.
Ten Xag avvalroq Evansni tarkibda saqlab qolish istagi haqida gapirgan edi. Yozda tajribali futbolchi «Yunayted» bilan qisqa muddatli mehnat shartnomasi imzoladi - u avgust oyining oxirigacha amal qiladi.
Jonni Evans - «Manchester Yunayted» tarbiyalanuvchisi. Shimoliy irlandiyalik «qizil iblislar»ning asosiy jamoasi safida 198 ta o‘yin o‘tkazib, 7 ta gol urgan va sheriklariga 7 ta golli uzatma bergan.
